• Ligji Nr.7746, datë 28.7.1993 PËR HIDROKARBURET (KËRKIMI DHE PRODHIMI)
• DEKRET Nr.782, datë 22.2.1994 PËR SISTEMIN FISKAL NË SEKTORIN E HIDROKARBUREVE (KËRKIM – PRODHIM) I MIRATUAR DHE NDRYSHUAR ME: LIGJIN NR.7811, DATË 12.4.1994 “PËR MIRATIMIN ME NDRYSHIME TË DEKRETIT NR.782, DATË 22.2.1994 “PËR SISTEMIN FISKAL NË SEKTORIN E HIDROKARBUREVE (KËRKIM-PRODHIM)”
• Ligji Nr.9975, datë 28.7.2008 “PËR TAKSAT KOMBËTARE”
• Ligji Nr. 92/2014 PËR TATIMIN MBI VLERËN E SHTUAR NË REPUBLIKËN E SHQIPËRISË
• Ligji Nr. 91/2013 PËR VLERËSIMIN STRATEGJIK MJEDISOR
• Ligji Nr. 10 431, datë 9.6.2011 PËR MBROJTJEN E MJEDISIT
• UDHËZIM I PËRBASHKËT Nr. 17, datë 12.6.2015 PËR PËRCAKTIMIN E LISTËS SË MALLRAVE DHE SHËRBIMEVE QË PËRDOREN NË REALIZIMIN E FAZËS SË KËRKIMIT TË OPERACIONEVE HIDROKARBURE NGA SHOQËRITË E KËRKIMIT TË HIDROKARBUREVE, TË CILAT PËRJASHTOHEN NGA PAGESA E TVSH-së, SI DHE PROCEDURAT E PËRJASHTIMIT
• UDHËZIM Nr. 811, datë 20.11.2018 MBI MIRATIMIN E RREGULLORES PËR ADMINISTRIMIN E MBETJEVE NGA SHPIMI I PUSEVE PËR KËRKIMIN DHE PRODHIMIN E HIDROKARBUREVE NË SHQIPËRI
• RREGULLORE PËR PËRCAKTIMIN E PROCEDURAVE TË MIRATIMIT TË MARRËVESHJES HIDROKARBURE, LICENCË MARRËVESHJES SI DHE AFATET PËRKATËSE

• Ligji no. 182, “Tarifa”
• Ligji nr. 180, datë 28.12.2013
• Ligji nr. 183, datë 28.12.2013

Procedurat ligjore për miratimin e Marrëveshjeve Hidrokarbure dhe Licencë Marrëveshjeve
Baza ligjore

Ligjit nr. Nr.7746, datë 28.7.1993 “Për hidrokarburet” i ndryshuar;

Rregullore “Për Procedurat e Miratimit të Marrëveshjeve Hidrokarbure dhe Licencë Marrëveshjeve”, miratuar nga Ministria e Ekonomisë, Tregtisë dhe Energjetikës;

Ligji nr. 10081 datë 23.02.2009 “Për Licencat, Autorizimet dhe Lejet në Republikën e Shqipërisë”.

Marrëveshja hidrokarbure duhet të kalojë në këto hapa proceduriale për t’u miratuar:

Subjektet e interesuara paraqesin pranë AKBN (në rastin e zonave që administrohen nga AKBN) ose Albpetrol-it (në rastin e zonave që administrohen nga Albpetroli) një aplikim për të hyrë në Marrëveshje Hidrokarbure;

AKBN ose Albpetrol, brënda 15 ditëve nga marrja e aplikimit, i paraqet Ministrisë së Ekonomisë, Tregtisë dhe Energjetikës (METE) dokumentacionin e nevojshëm dhe kërkesën për miratimin e fillimit të negocimeve. METE jep aprovimin ose jo për fillimin e negociatave brenda 10 ditëve nga marrja e propozimit nga AKBN ose Albpetrol.

Në rast miratimi nga METE të kërkesës, përfaqësuesit e AKBN apo Albpetrol fillojnë negocimin me subjektin e interesuar për Termat dhe Kushtet Kryesore të Marrëveshjes Hidrokarbure. Pasi bien dakort, dokumenti nënshkruhet nga të dy palët dhe i përcillet Ministrisë për miratim brenda 10 ditëve nga data e nënshkrimit.

METE jep miratimin ose refuzimin e saj për Termat dhe Kushtet Kryesore të Marrëveshjes brenda 10 ditëve nga marrja e dokumentit të nënshkruar të Termave dhe kushteve kryesore të Marrëveshjes.

Në rastin e miratimit të Termave dhe Kushteve kryesore të Marrëveshjes Hidrokarbure, AKBN ose Albpetrol, fillojnë negocimet brenda 30 ditëve nga marrja e miratimit për Termat dhe Kushtet Kryesore të Marrëveshjes Hidrokarbure.

AKBN ose Albpetrol i përcjellë Ministrisë për miratim draftin përfundimtar të Marrëveshjes Hidrokarbure brënda 15 ditëve nga data e firmosjes së tij, në çdo faqe nga palët. Kur drafti çohet për oponencë, atëherë rinegocimi dhe rishikimi i draftit bëhen brenda 20 ditëve nga data e marrjes së oponencës.

Drafti i nënshkruar nga palët, mund të dërgohet nga METE për oponencë si dhe për rishikim nga ana fiskale dhe ligjore, përkatësisht në Ministrinë e Financave dhe Ministrinë e Drejtësisë.

Rinegocimi dhe rishikimi i draftit në vijim të oponencës dhe opinioneve që mund të kenë nga ana fiskale dhe ligjore ministritë përkatëse kryhet brenda 20 ditëve nga marrja e oponencës dhe opinioneve, dhe pasi është rënë dakord për rinegocimin dhe rishikimin dërgohet në METE brenda 10 ditëve.
METE nënshkruan Marrëveshjen Hidrokarbure brenda 10 ditëve nga marrja e marrëveshjes së rinegociuar, në rastin e zonave të administruara nga AKBN, dhe më pas e dërgon për miratim përfundimtar në Këshillin e Ministrave

METE jep miratimin për nënshkrimin e Marrëveshjes Hidrokarbure brenda 10 ditëve nga marrja e marrëveshjes së rinegociuar, në rastin e zonave të administruara nga Albpetrol, dhe më pas e dërgon për miratim përfundimtar në Këshillin e Ministrave.

Licencë Marrëveshja duhet të kalojë në hapat e mëposhtme për t’u miratuar

Albpetrol paraqet, brënda 10 ditëve nga miratimi nga METE  të Termave dhe Kushteve Kryesore të Marrëveshjes Hidrokarbure, pranë AKBN kërkesën për t’u pajisur me Licencë Marrëveshje;

AKBN përgatit brënda 30 ditëve dhe i dërgon Albpetrol-it draftin e Licencë Marrëveshjes i cili diskutohet mes Albpetrol-it dhe AKBN për një periudhë kohore 50 ditësh.

Drafti përfundimtar, i nënshkruar në çdo faqe, paraqitet brenda 10 ditëve në METE për miratim dhe nënshkrim.

METE brenda 10 ditëve nënshkruan apo kërkon bërjen e ndryshimeve. Në rast të ndryshimeve, këto duhet të kryhen brenda 30 ditëve dhe drafti i rishikuar i Licencë Marrëveshjes riparaqitet për nënshkrim.

Licencë Marrëveshja nënshkruhet nga Ministri dhe Albpetrol brenda 10 ditësh nga data e miratimit të Marrëveshjes Hidrokarbure nga Ministri.