Në bazë të Nenit 26, kreut VI i Rregullores së Agjencisë Kombëtare të Burimeve Natyrore, për mënyrën e marrjes në punë  për vende të lira në organikën e AKBN-së, shpallet  një vend vakant në Drejtorinë Ekonomike me kriteret përkatëse  për  pozicionin e punës si vijon:

Pozicioni:

• Specialist në Sektorin e Auditimit të Marrëveshjeve Hidrokarbure në Drejtorinë Ekonomike

Kriteret:

• Zotërimi i diplomës ose ekuivalent me të në fushën e financës.
• Studime pasuniversitare në fushën e ekonomisë, financës dhe operacioneve hidrokarbure përbën avantazh, por nuk është kusht skualifikues.
• Eksperiencë pune në profilin e financës minimumi 5 vjet.
• Eksperiencë pune në kompani auditimi, në kompani që operojnë në fushën e kërkimit dhe prodhimit të naftës dhe gazit natyror apo në institucione që operojnë në sektorin hidrokarbur, përbën avantazh, por nuk është kusht skualifikues.
• Të njohë mirë gjuhën angleze.
• Të njohë programet bazë kompjuterike të Oficce (word, excel, Power Point).
• Kualifikime të ndryshme në fushën e administrimit, monitorimit dhe operimit të marrëveshjeve hidrokarbure, përbën avantazh.

 Dokumentet që duhet të paraqesin të interesuarit janë:

• Fotokopje te diplomës dhe listës së notave
• Curriculum Vitae (Cv)
• Fotokopje të Librezës së Punës
• Dëshmi Penaliteti
• Raport Mjeko-Ligjor
• Dëshmi kualifikimi të ndryshme

Afati i dorëzimit të dokumenteve është dy ditë pas shpalljes së njoftimit në internet. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Protokollit.