Në bazë të Nenit 26, kreut VI i Rregullores së Agjencisë Kombëtare të Burimeve Natyrore, për mënyrën e marrjes në punë  për vende të lira në organikën e AKBN-së, shpallet  një vend vakant në Drejtorinë Hidrokarbure me kriteret përkatëse  për  pozicionin e punës si vijon:

Pozicioni:

• Specialist në Sektorin e Ndjekjes së Licencë-Marrëveshjeve dhe Marrëveshjeve Hidrokarbure në Prodhim

Kriteret:

• Të ketë mbaruar arsimin e lartë në Fakultetin Gjeologji-Miniera në degët Shpim ose Prodhim, Gjeologji ose Gjeofizikë ose Gjeoinformatikë në Inxhinieri të Burimeve të Energjisë
• Të ketë mbaruar Master Profesional ose Shkencor në një nga degët e sipërpërmendura
• Të ketë eksperiencë pune përbën avantazh
• Të ketë njohuri në gjuhën angleze të çertifikuar
• Të njohë shumë mirë programet kompjuterike të Office (Word, Excel,)
• Të jetë i gatshëm të punojë edhe larg qendrës së banimit
• Të ketë aftësi të mira komunikimi, të përmbushë në kohë dhe me korrektësi detyrat e ngarkuara si dhe të ketë aftësi të punës në grup.

Dokumentet që duhet të paraqesin të interesuarit janë:

• Fotokopje të diplomës dhe listës së notave
• Curriculum Vitae  (Cv)
• Fotokopje të Librezës së Punës
• Dëshmi kualifikimi të ndryshme

Afati i dorëzimit të dokumenteve është dy ditë pas shpalljes së njoftimit në internet. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Protokollit.