Në bazë të Rregullores së Agjencisë Kombëtare të Burimeve Natyrore, Kreu VI, Neni 26, për shpalljen e vendeve të lira të punës, njoftojmë se AKBN shpall vend vakant me kriteret përkatëse për pozicionin e punës, si vijon:

Pozicion vakant:

Pozicion vakant Specialist në Sektorin e Mbikqyrjes në Mjedis të Veprimtarisë Hidrokarbure në Drejtorinë Hidrokarbure.

Kriteret e pranimit:

• Të ketë përfunduar studimet e larta (diploma Bachelor) në Fakultetin e Gjeologjisë dhe Minierave, në Universitetin Politeknik të Tiranës, për Inxhineri Gjeoburimesh (naftë, gazi,uji).
• Të ketë përfunduar Master Profesional si Inixhinier Gjeomjedis në FGJM.
• Të ketë eksperienca të ngjajshme.
• Të ketë njohuri mbi Marrëveshjet Hidrokarbure.
• Të ketë njohuri të mira të gjuhës angleze, të çertifikuara.
• Të ketë njohuri shumë të mira për të punuar me programet bazë kompjuterike, të Office (Word , Excel dhe Outlook) AutoCad.
• Të ketë aftësi të mira komunikimi dhe të punës në grup.
• Të jetë i gatshëm të punojë edhe larg qendrës së banimit.
• Eksperienca në punë përbën avantazh.
• Kualifikime,praktika apo specializime të tjera në fushën e mjedisit në aktivitetin hidrokarbur të kërkimit dhe nxjerrjes, nëse ka.

Detyrat kryesore që do të kryejë:

• Të njohë kontratat e Marrëveshjeve Hidrokarbure dhe Licencë Marrëveshjet të lidhura me Shoqëritë;
• Të njohë kontratat e lidhura nga Shoqëritë me nënkontraktorët në lidhje me Ndikimin në Mjedis;
• Merr pjesë në mbikqyrjen në terren të ecurisë së zbatimit të detyrimeve kontraktore të Licencë Marrëveshjeve dhe Marrëveshjeve Hidrokarbure, për Ndikimin në Mjedis;
• Raporton tek Shefi i Sektorit, në rast se konstatohen probleme gjatë kontrolleve të ushtruara në Shoqëritë që operojnë në vendburimet ekzistuese dhe blloqet e kërkimit për naftë dhe gaz në lidhje me ndikimin në mjedis dhe shëndetin në punë;
• Përgatit praktikat shkresore që dalin nga Sektori për problemet që lidhen me Mbikqyrjen e Ndikimit në Mjedis të veprimtarisë hidrokarbure;
• Sistemon, përpunon dhe organizon informacionin që dërgojnë shoqëritë që janë në Marrëveshje Hidrokarbure me shoqërinë Albpetrol sh.a. dhe ato për blloqet e kërkimit në lidhje me Ndikimin në Mjedis;
• Bën përditësimin e të dhënave për çdo dosje të Marrëveshjeve Hidrokarbure dhe Licencë Marrëveshjeve në lidhje me Ndikimin në Mjedis në databazën e Sektorit;

Dokumentet që duhet të paraqesin të interesuarit:

Fotokopje të diplomës dhe listës së notave;

Curriculum Vitae (CV);

Fotokopje të librezës së punës;

Dëshmi kualifikimi të ndryshme;

Afati i dorëzimit të dokumenteve është 2 (dy) ditë pas shpalljes së njoftimit në faqen zyrtare elektronike të AKBN-së. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivës Administrative dhe Protokollit.