Në bazë të Rregullores së Agjencisë Kombëtare të Burimeve Natyrore, Kreu VI, Neni 26, për shpalljen e vendeve të lira të punës, njoftojmë se AKBN shpall vend vakant me kriteret përkatëse për pozicionin e punës, si vijon:

Pozicion vakant:

Specialist  Inxhinier Gjeodet/Markshajder në Sektorin e Monitorimit të Kontratave Koncesionare në Drejtorinë e Monitorimit të Hidrocentraleve.

Kriteret e pranimit:

• Të ketë përfunduar studimet e larta (diploma Bachelor) në Fakultetin e Inxhinierisë së Ndërtimit/Gjeologji –Miniera,pranë Universitetit Politeknik të Tiranës,
• Të ketë mbi tre vjet eksperiencë pune në fushën e ndërtimit.
• Të ketë njohuri të mira të gjuhës angleze, të çertifikuara.
• Të ketë njohuri shumë të mira për të punuar me programet bazë kompjuterike, të Office (Word , Excel dhe Outlook) AutoCad.
• Të ketë aftësi të mira komunikimi dhe të punës në grup.
• Të jetë i gatshëm të punojë edhe larg qendrës së banimit.
• Të ketë njohuri të mira mbi përdorimin e aparaturave topografike.

Detyrat kryesore që do të kryejë:

• Është pjesë e grupit të monitorimit në terren për tëgjitha ato objekte të kontratave të koncesionit të cilat nuk janë matur në terren (kuotat dhe koordinatat e nënveprave të HEC-it/eve) me qëllim pasqyrimin e tyre në planvendosjen e Hidrocentraleve në Hartën e Republikës së Shqipërisë
• Është pjesë e grupit të punës për të gjitha ato problematika që lidhen me verifikimin në terren të objekteve apo nënobjekteve të koncesionit për te cilat nevojiten matje të sakta.
• Në bashkëpunim me specialistët e tjerë të Sektorit, në vijim të monitorimit të përmbushjes së detyrimeve kontraktuale nga ana e shoqërive koncesionare dhe monitorimit të zbatimit korrekt të projekt-zbatimeve të miratuara, paraqet në shkresat “mbi përmbushjen e detyrime kontraktuale” të Sektorit, kërkesat për dorëzimin e dokumentacionit përkates teknik për të cilat është përgjegjës.

(p.sh: azhornimi topografik i terrenit para fillimit të punimeve, relievi zonës dhe i gjithë dokumentacioni përkatës teknik topografik në formën elektronike që do ti kërkohet shoqërive koncesionare.)

Dokumentet që duhet të paraqesin të interesuarit:

Fotokopje të diplomës dhe listës së notave;

Curriculum Vitae (CV);

Fotokopje të librezës së punës;

Dëshmi kualifikimi të ndryshme;

Afati i dorëzimit të dokumenteve është 2 (dy) ditë pas shpalljes së njoftimit në faqen zyrtare elektronike të AKBN-së. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivës Administrative dhe Protokollit.