Në bazë të Rregullores së Agjencisë Kombëtare të Burimeve Natyrore, Kreu VI, Neni 26, për shpalljen e vendeve të lira të punës, njoftojmë se AKBN shpall vend vakant me kriteret përkatëse  për  pozicionin e punës, si vijon:
Shef Sektori në Sektorin e Promovimit të Investimeve të Reja dhe Fondit të të Dhënave Teknike në Drejtorinë Hidrokarbure.
Kriteret :

• Të ketë përfunduar studimet në Fakultetin e Gjeologjisë dhe Minierave ;
• Të ketë njohuri për sektorin hidrokarbur dhe vecanërisht për Kontratat me Ndarje Prodhimi (Marrëveshjet Hidrokarbure);
• Të ketë njohuri të mira të gjuhës angleze;
• Të ketë njohuri shumë të mira për të punuar me programet bazë kompjuterike të Office (Word,Excel,Outlook), Autocad;
• Të ketë aftësi të mira komunikimi për të punuar në grup;
• Të jetë i gatshëm të punojë edhe larg qendrës së banimit;
• Te ketë të paktën 10 vite eksperiencë në sektor.

Detyrat kryesore që do të kryejë:

• Të organizojë punën në Sektor dhe të raportojë te eprorët për ecurinë e saj.
• Të zbatojë me përpikmëri dispozitat ligjore për arkivat dhe “Normat tekniko-profesionale dhe metodologjike të shërbimit arkivor në Republikën e Shqipërisë” dhe “Rregulloren për Arkivën Teknike të AKBN”.
• Të konceptojë  materialet për promovimin e burimeve hidrokarbure për pjesëmarrje në aktivitete kombëtare apo ndërkombëtare promovimi,si panaire,workshop,konferenca,etj.
• Të realizojë materiale promovuese në bashkëpunim me Sektorët e tjerë të Drejtorisë si dhe me Drejtori të tjera.
• Të vendosë dhe mbajë  kontaktet me subjektet e interesuara dhe informimi i tyre mbi kuadrin ligjor dhe procedurat e aplikimit.
• Të hartojë dhe propozojë  procedurat e promovimit dhe procesit të negocimit.
• Të hartojë  programe të aktiviteteve të promovimit.
• Të japë asistencë kompanive të interesuara për mënyrën e përgatitjes dhe paraqitjes së aplikimeve.
• Të vlerësojë aplikimet,hartimet e programit për negocimin e tyre,si dhe të përgatisë  dokumentacionin e nevojshëm për marrjen e miratimit nga Ministri.
• Të asistojë në procesin e negocimit të Termave dhe Kushteve kryesore të Marrëveshjeve Hidrokarbure.
• Të asistojë në procesin e negocimit të Marrëveshjeve Hidrokarbure dhe Licencë Marrëveshjeve.
• Të asistojë në procesin e negocimit të Amendamenteve të Marrëveshjeve Hidrokarbure dhe Licencë Marrëveshjeve.
• Të koordinojë  punën me sektorë të tjerë të Drejtorisë së Hidrokarbureve dhe të marrë  informacion në lidhje me ecurinë e marrëveshjeve dhe problemet në diskutim.
• Të mbajë përgjegësi për realizimin e detyrave brenda afateve të kërkuara dhe me saktësi.

Dokumentet që duhet të paraqesin të interesuarit:

• Fotokopje të diplomës dhe listës së notave;
• Curriculum Vitae (CV);
• Fotokopje të librezës së punës;
• Dëshmi kualifikimi të ndryshme;

Afati i dorëzimit të dokumenteve është 2 (dy) ditë pas shpalljes së njoftimit në faqen zyrtare elektronike të AKBN-së. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivës Administrative dhe Protokollit.