Në bazë të Rregullores së Agjencisë Kombëtare të Burimeve Natyrore, Kreu VI, Neni 26, për shpalljen e vendeve të lira të punës, njoftojmë se AKBN shpall vend vakant me kriteret përkatëse  për  pozicionin e punës, si vijon:
Specialist në Sektorin e  Burimeve Njerëzore në Drejtorinë e Administratës.
Kriteret e pranimit:

• Të ketë përfunduar studimet e larta në fushat shoqërore (histori,gjuhë-letërsi,gazetari);
• Të ketë eksperiencë pune në Sektorin e Burimeve Njerëzore dhe në fushën menaxheriale;
• Të ketë njohuri shumë të mira për të punuar me programet bazë kompjuterike  (Excel,Offiice Word,Power Point)
• Të ketë njohuri të mira të gjuhës angleze;
• Të ketë aftësi të mira komunikimi për të punuar në grup;

Detyrat kryesore që do të kryejë Specialisti i Burimeve Njerëzore:

• Përgatit për cdo muaj pagat, librin e pagave, sigurimet shoqërore.
• Përgatit vërtetimet e punës sipas kërkesës së punonjësve.
• Mbledh dhe kontrollon formularët e aplikimit për vende të lira pune me qëllim përzgjedhjen e kandidatëve për intervistim.
• Në bashkëpunim me Specialistin e Parë, përgatit plotësimin e librit të pagave, listë pagesave të sigurimeve shoqërore, librezave të kontributeve dhe vërtitimeve të punës.
• Në bashkëpunim me Specialistin e Parë, përgatit lajmërimet për vende të lira punës dhe mbledh aplikimet.
• Përgatit urdhra mbi çështje të ndryshme në funksion të mbarëvajtjes së punës së Sektorit dhe Agjencisë në terësi.
• Plotëson Regjistrin Themeltar të punonjësve
• Krijon dosjet personale të punonjësit me të gjithë informacionin e nevojshëm dhe i rishikon herë pas here për plotësime të metejshme.
• Kujdeset për zbatimin e Rregullores së Brendshme mbi disiplinën dhe etikën në punë.
• Ruan me kujdes librezat e punës së punonjësve.
• Pajis punonjësit me formatet e caktuara të aplikimeve të ndryshme (leje e zakonshme etj.)
• Monitoron respektimin e orarit zyrtar të punës dhe lëvizjet e punonjësve gjatë orarit zyrtar.

Dokumentet që duhet të paraqesin të interesuarit:

• Fotokopje të diplomës dhe listës së notave (te noterizuar);
• Curriculum Vitae (CV);
• Fotokopje të librezës së punës;
• Dëshmi kualifikimi të ndryshme;

Afati i dorëzimit të dokumenteve është 2 (dy) ditë pas shpalljes së njoftimit në faqen zyrtare elektronike të AKBN-së. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivës Administrative dhe Protokollit.