Bazuar në nenin 26, kreu VI i Rregullores së Agjencisë Kombëtare të Burimeve Natyrore, për mënyrën e marrjes në punë për vendet e lira në organikën e AKBN-së, njoftojmë se AKBN shpall vend vakant me kriteret përkatëse për pozicionin e punës, si vijon:

Pozicion vakant:

-Specialist në Sektorin e Auditit të Marrëveshjeve Hidrokarbure në Drejtorinë Ekonomike.

Kriteret për specialist:

-Të ketë përfunduar studimet e larta në shkenca ekonomike;

-Të ketë mbaruar studime pas universitare në fushën e financës përbën avantazh;

-Të ketë aftësi të mira analizuese;

-Të ketë njohuri shumë të mira për të punuar me programet bazë kompjuterike (excel, office word,power point);

-Të ketë njohuri të mira të gjuhës angleze;

-Të ketë aftësi të mira komunikimi dhe të punës në grup;

-Të ketë eksperiencë pune mbi një vit.

Detyrat kryesore që do të kryejë specialisti në Sektorin e Auditit të Marrëveshjeve Hidrokarbure në Drejtorinë Ekonomike:

• Bashkëpunon me stafin teknik pranë Drejtorisë Hidrokarbure dhe kryen auditimin tekniko – financiar lidhur me të ardhurat dhe kostot hidrokarbure për efekt të çertifikimit të situacioneve të mbulimit të kostove të raportuara pranë AKBN-së, në përputhje me përcaktimet në Kontrata me Ndarje Prodhimi, Marrëveshjeve dhe Licencë-Marrëveshjeve Hidrokarbure.
• Bashkëpunon me Drejtorinë Hidrokarbure, ndjek punën për trajtimin e objeksioneve të kryera nga AKBN dhe pretendimeve të kompanive hidrokarbure për proceset e auditimit tekniko – financiar lidhur me të ardhurat dhe kostot hidrokarbure për efekt të çertifikimit të situacioneve të mbulimit të kostos.
• Kryen detyra të ndryshme që dalin gjatë vitit në funksion të nevojave të Drejtorisë Ekonomike dhe të AKBN-së.

Dokumentet që duhet të paraqesin të interesuarit janë:

-Fotokopje të diplomës dhe listës së notave (të noterizuar);

-Curriculum Vitae (Cv);

-Fotokopje të librezës së punës;

-Dëshmi kualifikimi të ndryshme.

Afati i dorëzimit të dokumenteve është dy ditë pas shpalljes së njoftimit në faqen zyrtare të AKBN-së. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivës Administrative dhe Protokollit .