Bazuar në nenin 23, kreut IV i Rregullores së Agjencisë Kombëtare të Burimeve Natyrore, për mënyrën e marrjes në punë për vende të lira në organikën e AKBN-së, njoftojmë se AKBN shpall vend vakant me kriteret përkatëse për pozicionin e punës, si vijon:

Pozicion vakant:

Specialist në Sektorin e Monitorimit të Energjive të Rinovueshme në Drejtorinë e Monitorimit.

Kriteret:

• Të ketë mbaruar arsimin e lartë në fushën ekonomike;
• Të ketë mundësi të kryejë shërbime jashtë zonës së banimit;
• Eksperienca përbën avantazh;
• Të ketë njohuri shumë të mira për të punuar me programet bazë kompjuterike, të Office Word, Excel;
• Të ketë njohuri të mira të gjuhës Angleze;
• Të ketë aftësi të mira komunikimi dhe të punës në grup;

Detyrat kryesore që do të kryejë në Sektorin e Monitorimit të Energjive të Rinovueshme:

• Përgjegjësinë mbi monitorimin e përmbushjes së detyrimeve nga shoqëritë;
• Propozon dokumentet standarte ekonomike që nevojiten për çdo dosje të impiantit dhe e miraton tek Eprori dhe harton inventarin tip për secilën kontratë;
• Përgatit shkresën për pagesën e tarifës së Certifikatës së Monitorimit të Veprës, pas informacionit që merr nga shefi i sektorit;
• Kontrollon formën dhe cilësinë e “Inventarin tip të dosjeve”, shkresave “mbi përmbushjen e detyrimeve kontraktuale” për pjesën ekonomiko/financiare , shkresave të ndryshme të trajtimit të problematikave dhe “Raporteve të monitorimit të tre-mujorëve” për pjesën ekonomiko/financiare të  punuara nga specialistët e sektorit , përpara se këto dokumentacione të zyrtarizohen;
• Shprehet lidhur me dokumentacionin ekonomiko/ financiar të Shoqërisë duke paraqitur vlerën e investuar sipas dokumentacionit që disponon, mangësitë e dokumentacionit të nevojshëm që shoqëria nuk ka dorëzuar dhe mospërpuethshmëritë ekonomiko/ financiare që konstaton;
• Informim mujor me shkrim ose rrugë elektronike për Shefin e Sektorit lidhur me problematikat e kontratave që ka shqyrtuar apo trajtuar, ku përmbledh problemet si dhe jep sugjerime për kapërcimin e problemeve.
• Kontrollon zbatimin e kontratës dhe në rast se konstaton shkelje të kushteve financiare të përcaktuara në kontratë, i relaton ato në raport;
• Mban në vijueshmëri korrespondencën lidhur me raportimet me shkrim nga shoqëria, sipas afateve të parashikuara në kontratë,  mbi realizimin e programit të investimeve në vlerë dhe në natyrë si dhe çdo informacion që do të konsiderohet i nevojshëm nga struktura monitoruese;

Dokumentet që duhet të paraqesin të interesuarit janë:

• Curriculum Vitae;
• Çertifikata e gjendjes familjare;
• Diploma e shkollës së lartë, lista e notave;
• Çertifikatat ose diplomat e kualifikimeve ose të specializimeve, në rast se ka;
• Dëshmi e mbrojtjes së gjuhëve të huaja, në rast se ka;
• Dokumenti i laurimit me gradë shkencore, në rast se ka;
• Fotokopje e pasaportës ose kartës së identitetit.
• Librezë pune;
• Vërtetim që nuk ka masë disiplinore në fuqi;
• 3 foto dokumentash;
• Dëshmi penaliteti;
• Raport mjekësor

Afati i dorëzimit të dokumenteve është dy ditë pune nga data e shpalljes së njoftimit në faqen zyrtare te AKBN-së. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivë Protokollit .