Bazuar në nenin 23, kreut IV i Rregullores së Agjencisë Kombëtare të Burimeve Natyrore, për mënyrën e marrjes në punë për vende të lira në organikën e AKBN-së, njoftojmë se AKBN shpall vend vakant me kriteret përkatëse për pozicionin e punës, si vijon:

Pozicion vakant:

Një (1) pozicion vakant–Drejtor Kabineti

Kriteret:

• Të zotërojë diplomë të nivelit “Master Shkencor” preferohet të ketë përfunduar Shkenca Politike/Ekonomi/Menaxhim;
• Të ketë mbi 5 (pesë) vite eksperiencë pune në nivele drejtuese;
• Të ketë njohuri shumë të mira të gjuhës Angleze;
• Të ketë aftësi të mira në komunikim/lidership/analitike;

Detyrat kryesore që do të kryejë Drejtori i Kabinetit:

• Drejton dhe organizon punën në Kabinetin e Drejtorit Ekzekutiv;
• Asiston Drejtorin Ekzekutiv në shqyrtimin e çështjeve brenda kompetencave të tij;
• Kërkon informacion nga Divizionet dhe drejtoritë e Agjencisë;
• Përgatit së bashku me këshilltarët e kabinetit aktivitete të ndryshme;
• Informohet dhe bashkëpunon me drejtoritë përkatëse, për respektimin e procedurave dhe afateve ligjore në ushtrimin e veprimtarisë administrative, në përputhje me Kodin e Procedurës Administrative dhe legjislacionit në fuqi;
• Kryen çdo detyrë tjetër të ngarkuar nga Drejtori Ekzekutiv.

Dokumentet që duhet të paraqesin të interesuarit janë:

• Curriculum Vitae;
• Çertifikata e gjendjes familjare;
• Diploma e shkollës së lartë, lista e notave;
• Çertifikatat ose diplomat e kualifikimeve ose të specializimeve, në rast se ka;
• Dëshmi e mbrojtjes së gjuhëve të huaja, në rast se ka;
• Dokumenti i laurimit me gradë shkencore, në rast se ka;
• Fotokopje e pasaportës ose kartës së identitetit.
• Librezë pune;
• Vërtetim që nuk ka masë disiplinore në fuqi;
• 3 foto dokumentash;
• Dëshmi penaliteti;
• Raport mjekësor.

Afati i dorëzimit të dokumenteve është dy ditë pune nga shpallja e njoftimit në faqen zyrtare të AKBN-së. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivë Protokollit .