Në bazë të Nenit 26, kreu VI i Rregullores së Agjencisë Kombëtare të Burimeve Natyrore, për mënyrën e marrjes në punë  për vende të lira në organikën e AKBN-së, shpallet vend vakant në Drejtorinë e Hidrokarbure me kriteret përkatëse  për  pozicionin e punës, si vijon:

 Pozicioni:

–        Specialist i Parë në Sektorin e Ndjekjes së Liçencë-Marrëveshjeve dhe Marrëveshjeve Hidrokarbure në Prodhim në Drejtorinë Hidrokarbure

Kriteret:

• Të ketë mbaruar Arsimin e Lartë në Fakultetin e Gjeologjisë dhe Minierave, në degën nxjerrja e naftës dhe gazit;
• Të njohë programet kompjuterike bazë të Office (word, excel, outlook);
• Të kenë njohuri të mira të Gjuhës Angleze;
• Të ketë njohuri për Kontratat me Ndarje Prodhimi (Marrëveshje Hidrokarbure)
• Të jetë i gatshëm të punojë edhe larg qendrës së banimit.
• Të ketë aftësi të mira komunikimi dhe të punës në grupe;
• Të ketë eksperiencë pune të paktën 10 vite në këtë sektor.

Dokumentet që duhet të paraqesin të interesuarit janë:

–          Fotokopje të diplomës dhe listës së notave

–          Curriculum Vitae  (Cv)

–          Fotokopje të Librezës së Punës

–          Dëshmi kualifikimi të ndryshme

Afati i dorëzimit të dokumenteve është dy ditë pas shpalljes së njoftimit në internet. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivës Administrative dhe Protokollit.