Bazuar në  nenin 26, kreut VI i Rregullores së Agjencisë Kombëtare të Burimeve Natyrore,  për  procesin e plotësimit të vendeve të  lira në organikën e AKBN-së, gjithashtu bazuar edhe në Urdhrin e Ministrit Nr.458 datë 16.05.2018. “Për Miratimin e Numrit të Punonjësve me Kontratë me afat të Përcaktuar, të AKBN ”, njoftojmë se Agjencia Kombëtare e Burimeve Natyrore shpall vend vakant me kriteret përkatëse  për  pozicionin e punës, si vijon:

Pozicion vakant:

Shofer me kontratë me afat të përcaktuar në Sektorin e Shërbimeve të Brendshme në Drejtorinë e Administratës.

Kriteret:

• Të ketë arsim të mesëm;
• Të ketë patentë të klasit B;
• Eksperienca përbën avantazh;
• Të ketë aftësi të mira komunikimi për të punuar në grup;

Detyrat kryesore që do të kryejë Shoferi:

• Siguron tranportin normal gjatë shërbimeve të ndryshme që realizojnë punonjësit e institucionit.
• Mirëmban automjetet duke respektuar afatet e shërbimeve rutinë.
• Mban në rregull dokumentacionin që pasqyron lëvizjet e tyre brenda dhe jashtë rrethit.

Dokumentet që duhet të paraqesin të interesuarit:

• Fotokopje të diplomës dhe listës së notave;
• Curriculum Vitae (CV);
• Fotokopje të librezës së punës;

Afati i dorëzimit të dokumenteve është dy ditë pas shpalljes së njoftimit në faqen zyrtare të AKBN-së. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivës Administrative dhe Protokollit .