Bazuar në nenin 23, kreut IV i Rregullores së Agjencisë Kombëtare të Burimeve Natyrore, për mënyrën e marrjes në punë për vende të lira në organikën e AKBN-së, njoftojmë se AKBN shpall vend vakant me kriteret përkatëse për pozicionin e punës, si vijon:

Një (1) pozicion vakant– Specialist në Sektorin e Monitorimit të Energjisë së Rinovueshme, në Drejtorinë e Monitorimit.

Kriteret:

• Të ketë mbaruar arsimin e lartë profili Juridik;
• Të ketë njohuri bazë mbi legjislacionin në fuqi;
• Të ketë njohuri shumë të mira për të punuar me programet bazë kompjuterike
• Të ketë njohuri të mira të gjuhës Angleze;
• Të ketë aftësi të mira komunikimi dhe të punës në grup;
• Te ketë mbi tre vite eksperiencë.

Detyrat kryesore që do të kryejë Specialisti në Sektorin e Monitorimit të Energjisë së Rinovueshme, në Drejtorinë e Monitorimit.

• Përgjegjësinë mbi monitorimin ligjor të përmbushjes së detyrimeve kontraktuale nga shoqëritë;
• Në bashkëpunim me stafin teknik harton “inventarin tip” të dosjeve të impianteve të burimeve të rinovueshme lidhur me dokumentacionin ligjor/teknik që disponohet në Sektor dhe atë që mungon;
• Në bashkëpunim me Specialistët e tjerë të Sektorit , harton shkresat “mbi përmbushjen e detyrimeve kontraktuale” të shoqërivenë të cilat listohet për dokumentacionin ligjorqë duhet ti kërkohet Shoqërive dhe interpreton afatet e kontratës që lidhen me pajisjen me Lejet e nevojshme, afatin e fillimit të punimeve, afatin e vënies në punë të impiantit, sigurimet përkatëse (sigurim kontrate, sigurim në ndërtim dhe sigurim ndaj palëve të treta) gjatë fazës së ndërtimit të impiantit;
• Trajton problematikat ligjore e shkresave të ndryshme që i ngarkohen lidhur me ecurinë e përmbushjes së detyrimeve kontraktuale nga shoqëritë, problematika dhe çështje të ndryshme që vijnë nga Autoriteti Kontraktor dhe institucione të treta, të cilat kanë nevojë për interpretim juridik;
• Bashkëpunon me Sektorët e tjerë të Drejtorisë dhe Drejtorivete tjera të Agjencisëper realizimin e detyrave të përbashkëta që lidhen me çështjet ligjore;
• Merr në dorëzim çdo kontratë dhe vijon plotësimin e tyre me dokumentacionin përkatës të dorëzuar në vazhdimësi nga shoqëritë në zbatim të kërkesave “mbi përmbushjen e detyrimeve kontraktuale”;

Dokumentet që duhet të paraqesin të interesuarit janë:

• Curriculum Vitae;
• Çertifikata e gjendjes familjare;
• Diploma e shkollës së lartë, lista e notave;
• Çertifikatat ose diplomat e kualifikimeve ose të specializimeve, në rast se ka;
• Dëshmi e mbrojtjes së gjuhëve të huaja, në rast se ka;
• Dokumenti i laurimit me gradë shkencore, në rast se ka;
• Fotokopje e pasaportës ose kartës së identitetit.
• Librezë pune;
• Vërtetim që nuk ka masë disiplinore në fuqi;
• 3 foto dokumentash;
• Dëshmi penaliteti;
• Raport mjekësor.

Afati i dorëzimit të dokumenteve është dy ditë pune nga shpallja e njoftimit në faqen zyrtare të AKBN-së. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivë Protokollit .​