Bazuar në nenin 23, kreut IV i Rregullores së Agjencisë Kombëtare të Burimeve Natyrore, për mënyrën e marrjes në punë për vende të lira në organikën e AKBN-së, njoftojmë se AKBN shpall vend vakant me kriteret përkatëse për pozicionin e punës, si vijon:

Një (1) pozicion vakant–Specialist në Sektorin e Trajtimit të Ankesave dhe Marrëdhënieve me Jashtë në Drejtorinë Ligjore.

Kriteret:

• Të ketë mbaruar arsimin e lartë;
• Të ketë njohuri shumë të mira për të punuar me programet bazë kompjuterike, të Office Word, Excel, Power Point;
• Të ketë njohuri të mira të gjuhës Angleze;
• Të ketë aftësi të mira komunikimi, organizimi dhe të punës në grup.

Detyrat kryesore që do të kryejë Specialisti, në Sektorin e Trajtimit të Ankesave dhe Marrëdhënieve me Jashtë:

• Punon për zbatimin e detyrave të ngarkuara sipas specifikës së punës që mbulon Sektori, në të cilin bën pjesë, si dhe për arritjen objektivave përkatës;
• Mban përgjegjësi për realizimin e detyrave me cilësi, saktësi dhe në afatet e caktuara;
• Evidenton në kohë ankesat apo kërkesat e ardhura në emai-lin zyrtar dhe  në zyrën e protokollit,  të AKBN-së të depozituara nga individë dhe subjekte juridike, për çështje teknike apo problematika të tjera që kanë lidhje më fushat ku ushtron aktivitetin AKBN.
• Komunikon dhe bashkëpunon në mënyrë të vazhdueshme, me sektorët teknikë dhe sektorët mbështetës në AKBN, për koordinimin dhe trajtimin e problematikës në mbështetje të dispozitave ligjore në fuqi, të ardhur nëpërmjet ankesave apo kërkesave me qëllim qasjen transparente në marrëdhënie me publikun.
• Kryen detyra të ndryshme që dalin gjatë vitit në funksion të nevojave të sektorit, si dhe çdo detyrë tjetër të ngarkuar nga eprorët.
• Ndihmon në hartimin e programit vjetor të punës së Sektorit;
• Me miratim të Drejtorit Ekzekutiv, merr pjesë në trajnime dhe aktivitete të ndryshme për çështje që lidhen me fushat e veprimtarisë së AKBN-së brenda dhe jashtë vendit.

 Dokumentet që duhet të paraqesin të interesuarit janë:

• Curriculum Vitae;
• Çertifikata e gjendjes familjare;
• Diploma e shkollës së lartë, lista e notave;
• Çertifikatat ose diplomat e kualifikimeve ose të specializimeve, në rast se ka;
• Dëshmi e mbrojtjes së gjuhëve të huaja, në rast se ka;
• Dokumenti i laurimit me gradë shkencore, në rast se ka;
• Fotokopje e pasaportës ose kartës së identitetit.
• Librezë pune;
• Vërtetim që nuk ka masë disiplinore në fuqi;
• 3 foto dokumentash;
• Dëshmi penaliteti;
• Raport mjekësor.

Afati i dorëzimit të dokumenteve është dy ditë pune nga shpallja e njoftimit në faqen zyrtare të AKBN-së. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivë Protokollit .​