Bazuar në nenin 23, kreut IV i Rregullores së Agjencisë Kombëtare të Burimeve Natyrore, për mënyrën e marrjes në punë për vende të lira organikën e AKBN-së, si dhe Vendimin nr.458, datë 16.05.2018, “Për Miratimin e Numrit të Punonjësve me Kontratë me afat të Përcaktuar, të AKBN ”, njoftojmë se AKBN shpall vend  me kriteret përkatëse për pozicionin e punës, si vijon:

Pozicioni:

Një (1) pozicion:  Shofer me kontratë me afat të përcaktuar në Sektorin e Shërbimeve të Brendshme në Drejtorinë e Shërbimeve Mbështetëse.

Kriteret:

a. Të ketë arsim të mesëm

b. Të ketë patentë të Klasit B

c. Eksperienca përbën avantazh

d. Të ketë aftësi të mira komunikimi dhe të punës në grup;

Detyrat kryesore që do të kryejë Shoferi në Sektorin e Shërbimeve të Brendshme:

a. Siguron transportin normal gjatë shërbimeve të ndryshme që realizojnë punonjësit e institucionit.

b. Mirëmban automjetet duke respektuar afatet e shërbimeve rutinë.

c. Mban në rregull dokumentacionin që pasqyron lëvizjet brenda dhe jashtë rrethit.

Dokumentet që duhet të paraqesin të interesuarit janë:

a. Curriculum Vitae;

b. Certifikata e gjendjes familjare;

c. Diplomë e shkollës së mesme;

d. Fotokopje e pasaportës ose kartës së identitetit.

e. Librezë pune;

f. Tre foto dokumentash;

g. Dëshmi penaliteti;

j. Raport mjekësor.

Afati i dorëzimit të dokumenteve është dy ditë pas shpalljes së njoftimit në faqen zyrtare të AKBN-së. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivë-Protokollit.