Bazuar në nenin 23, kreut IV i Rregullores së Agjencisë Kombëtare të Burimeve Natyrore, për mënyrën e marrjes në punë për vende të lira në organikën e AKBN-së, njoftojmë se AKBN shpall vend vakant me kriteret përkatëse për pozicionin e punës, si vijon:

Pozicion vakant:

Një (1) pozicion vakant– Shef Sektori  në Sektorin e IT-së dhe Digjitalizimit në Drejtorinë e Shërbimeve Mbështetëse.

Kriteret:

a.Të ketë mbaruar arsimin e lartë për Informatikë/Informatikë Ekonomike, etj.;

b.Të ketë eksperiencë pune mbi tre vite;

c.Të ketë njohuri bazë mbi pajisjet e rrjetit dhe infrastrukturën, sistemet e operimit, active directory, etj.;

d.Njohuri bazë në mirëmbajten e një websit;

e.Njohuri bazë mbi backup;

f.Të ketë njohuri të mira të gjuhës Angleze;

g.Të ketë aftësi të mira komunikimi dhe të punës në grup;

Detyrat kryesore që do të kryejë Specialisti në IT-së dhe Digjitalizimit;

a.Organizon dhe drejton punën e Sektorit;

b.Raporton lidhur me planet dhe realizimiet mujore të objektivave dhe detyrave të Sektorit;

c.Bashkërendon dhe bashkëpunon dhe me Sektorët e tjerë të Drejtorisë;

d.Ndjek zbatimin e të gjithë programeve të punës së sektorit;

e.Bën analizën periodike e vjetore të punës së sektorit të IT ;

f.Përgjigjet për realizimin në afat të detyrave të ngarkuara nga Drejtori i Drejtorisë dhe Drejtori Ekzekutiv si dhe bashkërendon punën me Sektorët e tjerë brenda Drejtorisë dhe me drejtoritë e tjera të AKBN në zbatim të këtyre detyrave;

g.Drejton zhvillimin, implementimin dhe administrimin e Teknologjisë së Informacionit dhe Digjitalizimit;

h.Drejton dhe menaxhon të gjitha projektet e digjitalizimit në AKBN;

i.Përcakton proçedurat operative të rrjetit;

j.Propozon kriteret teknike të pajisjeve elektronike të nevojshme për zhvillimin e aktivitetit në AKBN;

k.Kryen detyra të ndryshme që dalin gjatë vitit në funksion të nevojave të Drejtorisë dhe të AKBN-së.

Dokumentet që duhet të paraqesin të interesuarit janë:

a.Curriculum Vitae;

b.Çertifikata e gjendjes familjare;

c.Diploma e shkollës së lartë, lista e notave;

d.Çertifikatat ose diplomat e kualifikimeve ose të specializimeve, në rast se ka;

e.Dëshmi e mbrojtjes së gjuhëve të huaja, në rast se ka;

f.Dokumenti i laurimit me gradë shkencore, në rast se ka;

g.Fotokopje e pasaportës ose kartës së identitetit.

h.Librezë pune;

i.Vërtetim që nuk ka masë disiplinore në fuqi;

j.3 foto dokumentash;

k.Dëshmi penaliteti;

l.Raport mjekësor.

Afati i dorëzimit të dokumenteve është dy ditë pune nga shpallja e njoftimit në faqen zyrtare të AKBN-së. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivë Protokollit .