Në bazë të Nenit 26, kreut VI i Rregullores së Agjencisë Kombëtare të Burimeve Natyrore, për mënyrën e marrjes në punë  për vende të lira në organikën e AKBN-së, shpallen 2 (dy)  vende vakant në Drejtorinë Minerare me kriteret përkatëse  për  pozicionin e punës si vijon:

 Pozicioni:

Specialist në Sektorin e Statistikës, Garancive Financiare, Koordinimit dhe GIS

Kriteret:

• Të ketë mbaruar arsimin e lartë në Fakultetin Gjeologji-Miniera, në degët gjeologji xeherore.
• Të jetë autor ose bashkëautor në studime dhe në projekte të ndryshme, të ketë punuar si gjeolog mineral ose në shërbimin gjeologjik, kryesisht për mineralet metalore;
• Të njohë programet bazë kompjuterike të office (Word, Excel, Autocad) si dhe softet e raportimit online për subjektet minerare;
• Të njohë mirë gjuhën angleze
• Të ketë eksperiencë pune jo më pak se 15 vite pune.
• Të ketë aftësi të mira komunikimi dhe të punës në grupe.

Dokumentet që duhet të paraqesin të interesuarit janë:

• Fotokopje të diplomës dhe listës së notave
• Curriculum Vitae (Cv)
• Fotokopje të Librezës së Punës
• Dëshmi kualifikimi të ndryshme
• Raporti Mjeko-Ligjor
• Dëshmi Penaliteti

Afati i dorëzimit të dokumenteve është dy ditë pas shpalljes së njoftimit në internet, dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivës dhe Protokollit.