Në bazë të Rregullores së Agjencisë Kombëtare të Burimeve Natyrore, Kreu VI, Neni 26, për shpalljen e vendeve të lira të punës, njoftojmë se AKBN shpall vend vakant me kriteret përkatëse  për  pozicionin e punës, si vijon:
Specialist në Sektorin e  Mbështetjes Ligjore në Drejtorinë e Shërbimeve Ligjore.
Kriteret e pranimit:

• Të ketë përfunduar studimet në fakultetin e Drejtesisë, profili Jurist;
• Të ketë eksperiencë pune në fushën ligjore;
• Të ketë njohuri shumë të mira për të punuar me programet bazë kompjuterike të Office (Word,Excel)
• Të ketë njohuri të mira të gjuhës angleze;
• Të ketë aftësi të mira komunikimi për të punuar në grup;

Detyrat kryesore që do të kryejë Specialisti Jurist:

• Jep opinione ligjore mbi problematikat e dala nga drejtoritë përkatëse në AKBN bazuar në aktet ligjore dhe nënligjore që veprojnë në fushën e burimeve natyrore.
• Merr pjesë në procese gjyqësore civile dhe administrative me autorizim të Drejtorit Ekzekutiv ku Agjencia Kombëtare e Burimeve Natyrore është palë në proces.
• Bashkëpunon me strukturat përgjegjëse të institucionit për dhënien e përgjigjeve zyrtare të ardhura në adresë të AKBN-së.
• Përgjigjet dhe zbaton në afat detyrat e ngarkuara nga eprorët përkatës në bazë të rregullores së miratuar dhe informon eprorin direkt mbi rezultatet e punëve të marra në ngarkim.
• Kryen edhe detyra të tjera të ngarkuara nga Drejtori i Drejtorisë dhe Shefi i Sektorit dhe i raporton atyre për realizimin e detyrave të ngarkuara dhe ato të përcaktuara në këtë rregullore si sektor,sa herë që kërkohet prej tij.

Dokumentet që duhet të paraqesin të interesuarit:

• Fotokopje të diplomës dhe listës së notave;
• Curriculum Vitae (CV);
• Fotokopje të librezës së punës;
• Dëshmi kualifikimi të ndryshme;

Afati i dorëzimit të dokumenteve është 2 (dy) ditë pas shpalljes së njoftimit në faqen zyrtare elektronike të AKBN-së. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivës Administrative dhe Protokollit.