Në bazë të Nenit 26, kreut VI i Rregullores së Agjencisë Kombëtare të Burimeve Natyrore, për mënyrën e marrjes në punë  për vende të lira në organikën e AKBN-së, shpallet  një vend vakant në Drejtorinë Minerare me kriteret përkatëse  për  pozicionin e punës si vijon:

Pozicioni:

• Specialist Inxhinier në Sektorin e Mbikqyrjes së Shfrytëzimit Racional të Materialeve të Ndërtimit, Qymyreve dhe Bitumeve në Drejtorinë Minerare.

Kriteret:

• Të ketë mbaruar arsimin e lartë në Fakultetin Gjeologji-Miniera, dega Miniera.
• Të ketë eksperiencë pune si inxhiniar miniere në prodhim (10 vjet).
• Të ketë eksperiencë pune jo më pak se 15 vjet të pandërprera.
• Të jetë autor ose bashkëautor në studime dhe projekte të ndryshme.
• Të njohë mirë gjuhën angleze.
• Të njohë programet bazë kompjuterike të Oficce (Word, Excel, AutoCad).
• Të ketë aftësi të mira komunikimi dhe të punës në grupe.

Dokumentet që duhet të paraqesin të interesuarit janë:

• Fotokopje të diplomës dhe listës së notave
• Curriculum Vitae (Cv)
• Fotokopje të Librezës së Punës
• Dëshmi kualifikimi të ndryshme

Afati i dorëzimit të dokumenteve është dy ditë pas shpalljes së njoftimit në internet. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Protokollit.